Monday 11 April 2011

Pansa kenang menua ULU Pedanum : Ditusun ari : Kenneth Jemat



 
Nyadi palan sekula ke endur aku ngajar diatu ianya sk nanga pedanum endang ukai tanah asal kitai iban. menua tu suba dikumbai orang menua beliun. Puas aku nyidi-nyidi bansa asal sidanya, bs ga siti teori aku nyangka sidanya udah pupus. Nyau ke pemuas aku ke beserungkai utai sebelahnya, nyentuk ke aku empu ngelawa pendam sida iya, dia aku meda gamal baya sida iya nyelai bendar. Nitih ke gambar ti diambi pengajar ke lama udah ngajar dia suba... dia aku beratike bansa beliun tu ianya bansa melanau tauka bansa rajang diatu. Sida tu meh ke pugu bansa melanau ti ngelari ke diri lebuh bala sida rentap ke ngelari kediri tunga adap menua Julau kitu.
          Reta perapasan ( harta karun) ti dilalaika bala kitai iban kelia ti bisi ngundan mayuh rengka asal bansa tu. Kena urung taun 1998 suba bisi konco2 Taib udah kala datai kitu lalu nguji deka nyerungkai retanya. Jentolak ti datai dia enggai idup lalu mayuh agi utai ti nyelai bukai udah nyadi. Nya ti ngasuh Taib agi benung ngintai menua kandang Julau tu. Nyadi siti chara iya ianya ngena chara politik. Iya nyabung kitai Iban ngambika belaya. Semina bala sida ari NGO ke benung ngetan menua tu. Nyadi cherita tu ditemu aku ari siku ahli Antropologist ke bisi nemuai ngagai menua tu. Ila aku ngirum berita tu enggau silik agi. Berita aku tu ukai ga nyengala bebatang endar, tang aku diatu agi ngeluit NGO nya ngambika bulih bukti ti chukup nyata.
            bisi mega tiang jenuring agi tinggal ditu. mula2 suba kumbai sida iya keliring, tang diatu baru aku sedarke nya ukai. Nyadi motif ba jenuringnya lain amat motif iya. Baka ke nyembah jelu bansa sida tu. Aruh kitai iban ulih ngalah ke sida iya. Kitai Iban tulung bala sida panggau, tang sida iya ditulung bunsu bala jelu. Nyadi ukir sidanya agi berupai bedau alus dipelabaka aku sida tu bedau bisi perengka ngukir ti meruan

5 comments:

  1. TQ jang....arap ke bala iban ulu pedanum temegah ati ke jerita nuan tu

    ReplyDelete
  2. Cikgu, Ulu Pedanum dini tu? Laban menua aki aku Ba Rh. Lila Nanga Rintong. Enti kami pulai kia, kami masuk ba simpang keterubah ba bukit tinggi ianya simpang Ulu Pedanum Pakan.

    ReplyDelete
  3. Bansa Beluin tu endang diau ba Sarikai suba pegai Sahrif Mashur ti ti datai ari Igan, siti agi endang menua Melanau. Tang keni Melanau tau datai ba Mukah ngau muara Rajang? Bisi jerita pemindah sida kini? DR James Masing madahka Kayan datai ari ulu Batang Kayan ngau Mahakam ti ngili ai ulu Rajang.

    ReplyDelete
  4. Nama gambar baya Beluin nyak enda diberu ditu deh?

    ReplyDelete
  5. Bakani kini jerita ari bansa Beluin tu empu? Pelabaka aku balat penusah sida kena kayau balan IbChulo "Tarang" ngau Uyu Apai Ikum endang ngayauka ulu Sarikai.

    ReplyDelete