Nama : Richard Ak Changgan
Tahun Ada : 18 Oktober 1981
Alamat : Rh Bangom Ng Bangkit Entabai, Pakan
Ari menua Batang Entabai ke betuai ke Tr Bangom ba menua ke di kangau ke orang ari menya Nanga Bangkit, nya meh asal aku. Tang aku ada menya ba Nanga Engkeranjie , sepengudah ke kena penusah ampuh bah besai dalam tahun 1985 mayanya umur aku baru 4 tahun, diak deh kami lalu pindah ke Nanga Bawang.
Angkat pemindah kami sebilik baru dalam tahun 1987, lalu begulai enggau bala kami serumah di Nanga Bangkit nyentuk ke saritu. Pendiau aku ari nembiak menya segi rindu bejalai neresa semua kampung begiga ke pemakai, jelu sebelah babas laban ke diau di menua ulu.Pengerindu aku ke jerita tuai segi enda ulih kira, nyauka ninting lemai deh kami ke sama serambau duduk beserayung tajung nunga Niang Ajah menya betusi ke jerita enggau ensera.
Laban ke segi rindu ke jerita tuai, ensera enggau pengawa lama kitai iban, diak deh aku bisi belajar mimit ke pengawa adat bansa kitai. Nya alai, ngena peluang tu aku lalu nguji enggau orang sama ngelukih ka abi jari dir.Aku anak ke 3 ari 6 iku kami diri menyadi. Suba aku sekula ba SRK Ng Entaih (1988 ngagai 1993) lalu nerus ke pelajar aku ngaga SMK Pakan ( 1994 ngagai 1998). Udah nya aku masuk Tingkatan 6 ba SMK Meradong, Bintangor ( 1999 ngagai 2000). Nyadi aku bisi ngambi Diploma Muzik enggau Pend. Seni Visual ba tahun 2003 ngagai 2005 ba Maktab Perguruan Tun Abdul Razak di Kota Samarahan Kuching.Sepengudah aku tembu belajar ba palan pematih pengajar nya suba, aku lalu di anjung perintah gawa ngajar ba SK Long Tengoa di menua Lawas pegai Bahagian Limbang. Nyadi diatu aku udah pindah ngajar ba SK Hijrah Badong Daro, Bahagian Mukah. Laban ti minat ke pengawa bansa kitai nya meh ke ngasuh aku tekuing runding betasat enggau nyidi ari pun pengidup bansa kitai Iban.
Meri terima kasih ngagai bala ke ulih nyukung BLOG aku tu. Ambi ke nyadi palan kitai begiga sereta bekunsi ke pengidup kitai ke bansa Iban…Idup anak IBAN!!!!
