WAT MEL ENGGAU PENGAJAR VINSAINT NYEMPULUT UNDANG
DIATU
Nyadi menya, laban kitai iban ke tebal agi idup di menua ulu sungai, pengawa nginti, nyala, ngasu beburu, nubai, mansai enggau begiga ke paku tubu segi agi nyamai. Laban rambau nya menya, kampung jerung agi mayuh, babas agi bedandang besai. Ikan enggau macam jelu segi agi bisi laban agi bisi endur belindung. Tang nyau nyebut DIATU!!!!
@ Kampung puang udah tebunsa amat jamah pengidup mensia rebak baru ke amu' mata deka begiga ke menua berumpang ke kampung jerung di perimba sida ia lalu di serungkai sida ia ambi alai ngemansang ke menua lalu endur betanam ke skim utai tumbuh enggau nadai adan/sukat.
@Aie sungai kitai menya diatu udah di rempah enggau tanah kuning ke ngasuh aie sungai diatu naka ia pengeruh enda chiru baka menya,. Abi sungkur lipan enggau kobei ke balat amat ngasuh tanah menua kitai tusur ngemun ke nadai agi ikan ulih diau belalai ba aie sungai kitai di menua ulu. Sida ke ngereja kayu balat amat ngeruga utai lalu nadai bebasa ke menua.
@Rampa menua diatu nyau kusi....Ni enda sida ke bumai bukit balat berumpang kampung puang nyau bemunggu-munggu, ambis emperan enggau bukit. Semua kayu besai udah di tinso magang. Nadai agi kampung ke enda di serungkai bala orang bumai..Ukai ga ka nyalah sida ia, ga nadai endur bukai bumai.
kasih menua kitai waiiii!!!!
