Enda meh nemu pengamat wai!!! tang kelulu orang ke empu menua kulu kili meh ke didinga kitai. Kati dalam penemu kitak kini? Ulih kini runding bala kitak nerima utai tu? Nyangka meh bala kitak bisi setuju tauka enda , nya tepulai ba diri empu ke ngempu runding. Mayuh mega menua ke bisi ngembuan cherita ke sama ba senentang batu ke bakatu. Bisinya batu nyadi ari rumah panjai, nyadi ari utai idup ke bukai ketegal ari sumpah. Sepemanjai umur aku ke udah meda dunya tu, semina bisi dua iti jerita batu ke kala di peda aku nyengenda ayan ba mata diri kelimpah ari ke meda gambar ari orang bukai.
Tang anang ga kitak saru laban aku enda ga tentu nemu cherita nya bangat apus....laban orang ke nusi nya pan nadai bangat bebatang ari pun lalu nibak jerita ke mayuh agi. Nyadi Lagenda Batu bangkai ke di temu aku tu bisi ba menua di Aie Entaih ke diatu. Enti agi suba lebuh aku selalu enggau orang merau nemuai ngagai menua aki enggau ini aku di Sungai Bangkit segi selalu mansa Batu Bangkai tu.
Lebuh ke mansa Batu Bangkai tu, ukai ga bisi nama-nama ke nyadi, tang ko cherita orang di menuanya, enti nyema ba atas batu nya bisi rangkang tauka apong balu lekat ba atas batu nya, segi bisi orang di batang aie menuanya rabat/tinggang pemati. Ukai ketegal aie ke besai naban ke apong balu lekat ba atasnya ko sida ia...tang ti lebuh aie langkang pan apong balu nemu meh tepanggai diak. Tinggi diri ga penuduk batu tu ari paras aie sungainya....nya meh ke ngasuh alit ati orang di menuanya.
Tang aku minta ampun ngagai bala kitak pemacha, laban aku bedau betasat ka penyadi batu tu menya, nyangka meh batu tu bisi ngembuan sumpah kini...kitai pan enda nemu....ila meh aku nguji betasat ke jerita batu tu auk!!!!! mupuk dulu aku....
Puteri santubong emggau Sajenjang nya ka bendar Bunsu Lulong enggau Bunsu Kumang ka ngajar Indu Iban bertenun Pua Kumbu kelia ba santubong.Bisi jerita asal ba channem Ibanpedia tauka ba pages Facebook Ibanology
ReplyDelete